Xa eran Horus!

Diante das inúmeras peticións (en realidade 2 ou 3), velaí van algúns retallos das miñas recentes vacacións pola ribeira do Nilo. O conto é que a María tiña que coller unha semana de vacacións obrigada pola súa empresa, e xa que ir en 7 días a Rumanía a visitar un primo de María era moito lío de "rayaneres", aeroportos, trenes, aduanas e demáis, finalmente atopamos unha oferta interesante para viaxar ata Exipto (oxalá todas as violacións dos dereitos laborais de María sexan tan de proveito coma esta!). A viaxe foi espectacular, pero iso si, foi unha viaxe arquetípica de guiri, con axencia de viaxes e paquete turístico incluído, con cruceiro polo Nilo e con hoteis de escándalo no Cairo. Se cadra é cousa de irse facendo vello, pero ás veces tamén presta aparcar a mochila, os albergues xuvenís, e sacrificar parte do encanto da viaxe por algunha que outra comodidade. Xa non me lío moito máis, así que abaixo tendes imaxes por un valor aproximado de máis de 9.000 palabras, segundo os baremos clásicos nisto do troco imaxe-palabra.
(En calquera caso, se pasades o rato por riba das fotos podedes ler un pequeno comentario)