OLA DENDE A CAPI

Ola a todos/as! É un placer adxuntarme a este blog, algo tarde pero sempre a tempo. Os meus parabéns a Zzini que, coma outras veces, é o promotor de tantas iniciativas neste grupo tan chusco que vimos formando todos nós! Pois aquí me tedes, na capi, ben encantada, mal que me pese recoñecelo, hehe! Claro que é moi diferente vir estudar que vir traballar, como todos ben sabemos! Levo aquí seis meses, moi ben aproveitados! Non paro nin un segundo, entre clases, planificacións, rodaxes e vida social. Esta escola de cine ten un programa ben completo e material que é unha maravilla. No que levamos de curso xa temos rodado un spot en 16 mm, un videoclip en HD, unha curta pola nosa conta... e agora queda a guinda do pastel, un corto dun guión meu que tiña ben reservado. Estamos á búsqueda de actores famosos e tivemos unha situación ben coñeira de "acoso" a Federico Luppi á saída do teatro. Momento adrenalina total! Deunos unha negativa, claro está, pero moito apoio e cariño a cambio. Agora conseguimos a un actor vello moi majo, Carlos Álvarez Novoa, que é asturiano, unha xoia interpretativa, cunha experiencia acojonante en teatro e cine e un Goya na súa carreira. Estou ben emocionada ca preproducción da curta, vai ser como parir a un fillo. Tereivos ó tanto dos avances! En canto á xente madrileña... por agora estou topando xente moi tolerante, para a miña sorpresa. Tamén é certo que aquí hai xente de todas partes, pero se ben é certo que me levo con "gatos" que son moi boa xente . Estou tendo sorte!
Bueno, locos! Xa sabedes que tedes casa polos madriles! Mira que andades desperdigados e morriñentos, eh? Eu xa me sinto aquí como en casa. Ide pola sombra!

Cris.