Agharrade-vos os machos todos porque vos vou contar um conto que vos vai deixar os pelos das partes nobre máis lácios que umha cabeleira japonesa!!!!
Já sabedes todos qué cousa é o CERN, esse super-laboratório nuclear sito entre França e Suiça do que moitos físicos falamos... ás vezes. O seu projecto estrela , o LHC , esse monstro de 27 kilometros de circunferéncia a 100 metros baixo terra que vai fazer colisionar prótons frontalmente a umhas energias que seriam capazes de freir umha salchicha antes incluso de que pensaras em comé-la...
Aqui está a foto aérea da leira onde estará o anel do LHC. Umha senhora francesa di que desde que pasa o colisionador baixo a sua horta, danse-lhe umhas patacas de 4 kilos. Que se quite Calfensa!!!
Por estes tubos que vedes vam os prótons zumbaos como foguetes. Em sentido contrário vam os antiprótons. Numha zona sem linea contínua, os prótons e antiprótons adiantam sem mirar, e se metem umhas óstias guapas.
Tamem ouvistes algo dos buracos negros algumha vez..., seguro. (Todo o mundo tem algum!). Pois resulta que é probável que no gram Colisor de Ginebra -sem cocacola- se criem micro buratos negros dado a altissima densidade de matéria que se acada nas colissons frontais. Estes buracos, se todo está bem calculado, deveriam de desintegrar-se muito muito rápido, segum Hawking, máis rápido do q
ue dura o polvo que bota um vírus com ejaculacióm precoz. Se isto nom fosse certo, e estes micro-buracos fossem estáveis, pois entom iriam caendo hácia o centro da Terra por pura gravidade. Nada o poderia parar nesta caida: qualquer partícula material que o tocasse seria absorvida polo buraco. Este aumentaria a sua massa, e polo tanto o seu rádio. A medida que o tamanho e massa do buraquinho fosse em aumento, atraeria máis e máis da matéria circundante, engolindo primeiro os materiais do núcleo terrestre, depois a Terra. Cum chisco de sorte talvez o Sol, e se o buraco é meio cabrom, todo o universo. Que Deus nos colha confesados. (E a ver se temos sorte e escolhemos a religiom correcta, que hai moitas....)
Este é um dos detectores que se ponhem na zona onde próton e antipróton chocan. Se vos fixades bem, podedes ver as caixas por ai abaixo, para que vos fagades umh ideia do tocho que é isto. Um dia caeu um operário dum andámio e ainda dou tempo a chamar aos bombeiros para que puxeram umha manta abaixo e recolhe-lo. Saiu ileso, pero perdeu a carteira...caghonamar....
O caso é que um tal Herr Wagner e um tal Señor Sancho puxerom umha demanda numha corte Hawainana para parar todo o tinglado, (velaqui a sua web). E tamém o Fermilab, outro acelerador que está aqui em Chicago. Aqui vos deixo um link a um artigo que saiu no New York Times . Nom penetrei no asunto para que nom ocupara tanto espaço. Pero se alguem tem interese, colei umha traduçom ao galego feita por mim nos comentários, e a pode penetrar personalmente, o cal recomendo. Ainda que o das penetraçons som cousas íntimas de cada um, e eu nom me meto.... A mim nom me gusta que me penetrem, por exemplo...
Velaquí umha imagem típica das trajectórias dos restos dumha colissom. Os físicos logo miramos para isto, e fazemos sessons onanistas baixo terra. As vezes adivinhamos qué caralho era um dos restos mirando quantos trompos deu antes de descartar...
Ciéncia ficçom? Nom. E umha teoria falsável, pero a evidéncia experimental nos di que isso nom aconteceu noutras situaçons similares. Por exemplo quando os raios cósmicos , que som máis de um milhom de vezes máis energéticos que o máis energético dos prótons do LHC, golpeam a Lua, o Sol , a Terra, e Venus dende que existem. Assi que Hawking seguro que está no certo, e nom temos que nos preocupar.
Velaquí umha ilustraçom dos raios cósmicos dando-lhe canha á Terra. Eu trabalho num observatório que os analisa. Como dizia tamem R. Kolb "Eu quero que de paso que vam fechar o CERN, tamem proibam aos raios cósmicos nos bombardear".
O assunto este está de boca em boca entre todos nós, e suponho que nalgum momento saltará á prensa tamem por Galiza e Espanha... Pero como dixo R. Kolb, o chefe do meu departamento ao periódico da universidade, é máis fácil que o lago Michigam tenha um monstro que um dia saia da agua e destrua o campus enteiro, e medio Chicago.
Presento-vos ao monstro do lago Michigan: Michinho
Assi que, entre bromas e brincadeiras andamos. E Dom Quixote desesperado por on-dan-da-ráaa o seu Sancho...
Que cousas...
O'Chini, desde Chicago de noche
domingo, 13 de abril de 2008
O fim do mundo está próximo! Paremos a esses tolos!!
Subscribe to:
Postar comentários (Atom)
8 Comments:
Pidem a um Juíz que salve o mundo, e quizáis ainda moito máis.
Máis conflitos em Iraque, a Somália em caos. As gente neste pais [EUA] nom consegue pagar as suas hipotecas, e em outros cantos do mundo elas nem sequer podem comprar arroz.
Nada disso nem do resto das grandes desgraças das portadas de hoje teram importáncia se dous homens que vam presentar umha demanda judicial na Corte do Hawai estiverem certos.
Eles pensam que um gigantesco acelerador de partículas que começará a fazer prótons colissionarem nos arredores de Genebra este veram, pode produzir um buraco negro ou algo parecido que acabará coa Terra, e talvez co Universo.
Os científicos dim que isto é muito improvável, a pesares de ter feito algumhas verificaçons para ter certeza.
Os físicos de todo o mundo passarám 14 anos e gastarám US$ 8 bilhons na construçom do Large Hadron Collider (Grande Colisor de Hadrons), no qual protons em colisom deverám recriar os níveis de energia e as condiçons vistas por última vez um trilhonésimo de segundo depois do Big-Bang. Os investigadores irám escrutar os fragmentos destas recriaçons dos primórdios do Universo em busca de pistas da esséncia mesma da massa e de novas forças e simetria da natureza.
Walter L. Wagner e Luis Sancho alegam que os científicos do Centro Europeu de Investigaçons Nucleares, o CERN, poderám fazer o colisor produzir, entre outros horrores, um pequeno buraco negro, o qual, alegam, poderia engolir a Terra. Ou cuspir algo chamado um "strangelet", que converteria o nosso planeta numha massa densa e morta chamada "matéria estranha" (daí o nome "strangelet"). A sua demanda tamem diz que o CERN nom conseguiu obter um informe de impacto ambiental, requerido conforme o National Environment Policy Act.
Ainda que soe extrano, o caso aborda umha séria questom que tem preocupado aos cientistas em anos recentes, mais exatamente sobre como estimar o risco de novos experimentos pioneiros e quem decide se seram ou nom levados adiante.
A demanda judicial, interposta o 21 de março na Corte Federal de Honolulu, require umha proibiçom temporal á entrada em operaçom do acelerador do CERN ou até que haja um informe de seguridade e de avaliaçom ambiental. A demanda nomea ao Departamento de Energia dos EUA, ao Fermilab (aqui em Chicago), á National Science Foundation Fundaçom e ao CERN como defensores.
Segundo o porta-voz do Departamento de Justiça dos EUA, que repesenta o Departamento de Energia, haverá umha reuniom conjunta o 16 de junho.
Por que deveria o CERN, umha organizaçom européia baseada na Suíça, nem sequera presentar-se num tribunal hawaiano?
Numha entrevista, Wagner di: "Eu nom sei se eles irám aparecer". O CERN deveria se submeter voluntariamente á jurisdiçom da Corte, di, aduzindo que ele e Sancho poderiam ter processado o CERN na Suíça ou na França, pero para "economizar", eles incluíram o CERN nesta demanda aqui. Ele alega que umha ordem de suspensom para o Fermilab e para o Departamento de Energia, que ajudam financeiramente a manter os imans supercondutores do CERN suspenderiam o projeto de qualquer modo.
James Gillies, chefe de relaçons públicas do CERN, di que o laboratório ainda nom se pronunciou sobre o processo judicial. "É difícil de ver como umha corte distrital no Hawai tem jurisdiçom sobre uma organizaçom intergovernamental em Europa", di.
"Nada novo sugere que o LHC seja inseguro", engadindo que a sua seguridade foi confirmada por dous informes, e um terceiro em caminho, e serám discutidos o 6 de abril, no CERN numha reuniom aberta ao público. "Cientificamente, nom estamos escondendo nada", di.
Pero Wagner, nom baixa as orelhas: "Tenhem moita propaganda dizindo que é seguro", di numha entrevista, "mas é basicamente isso: propaganda."
Num e-mail, o Sr. Wagner dixo que a revissom da seguridade do CERN era "defectusoso nos seus fundamentos", e que foi feito demasiado tarde. O chequeo viola os estándares da Comissom Européia por se adherir ao "Princípio de Precauçom", escreveu, "e nom foi feito por científicos críticos".
Físicos de dentro e fóra do CERN dim que umha grande variedade de estudos, incluindo un informe oficial do próprio CERN, concluirom que nom hai problema. Mas para estar seguro, o ano passado, o grupo Safety Assesement Group , cujos membros som anónimos, fora solicitado para repetir a revissom de novo.
"A possibilidade de que um buraco negro engola a Terra á umha ameaza demasiado séria como para deixa-la como matéria de debate nos meios", dixo Michelangelo Mangano, um teórico do CERN que manifestou formar parte do grupo. Outros preferem permanecer no anonimato por diferentes razons. Este informe fora pedido para Janeiro.
Esta nom é a primeira vez para Mr. Wagner. Ele interpuxera demandas similares no 1999 e 2000 para evitar the Brookhaven National Laboratory fixera funcionar o Relativistic Heavy Ion Collider. A demanda fora desestimada no 2001. O colisionador, que esmaga ions de ouro uns coutra outros para conseguer plasma de quarks e gluons, está funcionando sen incidentes desde o ano 2000.
Mr. Wagner, que vive na Grande Ilha do Hawai, estudou física e fixo investigaçons sobre raios cósmicos na Universidade da Califórnia, em Berkeley, e obtivo doutorado honorífico pola agora denominada Universidade do Norte da Califórnia, em Sacramento. Depois, trabalhou como oficial de segurança em radiaçom na Administraçom dos Veteranos.
O Sr. Sancho, autodescrito autor e pesquisador da teoria do tempo, vive na Espanha, provavelmente em Barcelona, segundo Wagner.
Os temores sobre o dia do Apocalipse tenhem um longo, se nom distinto, pedigree na história da física. Em Los Alamos, antes dos testes da primeira bomba atómica, Emil Konopinski recebeu o engargo de calcular se a explosiom poderia ou nom incendiar a atmosfera terrestre.
O Large Hadron Collider está desenhado para elevar prótons a níveis de energia de sete trilhons de volts, antes de fazé-los colisionar. "Nada, na verdade , acontecerá no colissionador do CERN que nom ocorra 100.000 vezes todos os dias devido à entrada de raios cósmicos na atmosfera", dixo Nima Arkani-Hamed, um físico teórico de partículas do Instituto de Estudos Avançados de Princeton.
O que é diferente, admitem os físicos, é que os fragmentos dos raios cósmicos atingem a terra sem causar danos, quase á velocidade da luz, mas qualquer cousa criada quando os raios se chocarem no colisor será criado em estado latente relativamente ao laboratório, portanto ficará por ali, e somente ali poderá causar algum dano.
Os novos temores referem-se a buracos negros, os quais, de acordo com algumas variantes da Teoria das Cordas, poderiam surgir no colisor. Esta possibilidade, ainda que remota, foi largamente explorada de modo sensacionalista em muitos jornais e artigos populares durante os últimos anos, mas eles seriam perigosos?
Segundo um artigo do cosmólogo Stephen Hawking, de 1974, eles rapidamente se evaporariam numha nuvem de radiaçom e partículas elementares, e portanto nom som umha ameaça. Mas ninguém viu um buraco negro evaporar-se polo de agora.
Em conseqüéncia, Herr Wagner e o Sr. Sancho alegam na sua demanda, que os buracos negros poderiam realmente ser estáveis, e um micro buraco negro criado no colisor poderia crescer, finalmente engolindo a Terra.
Mas William Unruh, da Universidade de British Columbia, cujo artigo, que explora os limites do processo de radiaçom do professor Hawking, foi mencionado no site web do Sr. Wagner, dixo que ele não notou este pormenor. "Talvez a física seja estranha até o ponto de nom permitir que os buracos negros se evaporem", dixo. "Mas ela teria que ser realmente muito, muito estranha".
Lisa Randall, umha física de Harvard cujo trabalho ajudou a propagar a especulaçom sobre os buracos negros no colisor, ressaltou num artigo do ano passado que os buracos negros, afinal, provavelmente nom seriam criados no LHC em absoluto, ainda que outros efeitos da chamada "gravidade quantica" podam aparecer.
Como parte do informe de seguridade, o Dr. Mangano e o Dr. Steve Giddings da Universidade da Califórnia, em Santa Bárbara, tenhem trabalhado intensamente nos últimos meses num artigo que explora todas as possibilidades desses arrepiantes buracos negros. Eles crem que nom hai problemas, mas relutam em falar sobre as suas conclusons até que tenham sido revisadas.
O Dr. Arkani-Hamed dixo a respeito da morte da Terra ou do universo: "Nemhum desses trabalhos merece crédito". Ele ressaltou que, devido á natureza incerta da Física Quântica, existe probabilidade de qualquer cousa aconteza. É uma chance minúscula, dixo, "O LHC pode criar dragons que nos venham engolir".
Dennis Oberbye, 29 de março 2008. New York Times
Hai cousas que non entendo. Pra fazer un experimento diste tipo, primeiro hay fazer un estudo científico previo onde se exponha que tipo de análises i experimentos podense obter e fundamentalos física e matemáticamente.
Se ten fundamento se estudia se e viabilidade levalo á práctica, e se é viable, recáudanse fondos (muitos millós de Euros suponho) e despois faise un proxecto e logo se executa.
Non estou a fazer máis que unha secuencia mais ou menos lóxica do asunto.
O que non entendo e que un proxecto desta magnitude, se atasque no derradeiro paso. Se non se chega a funcionar... cantas cacholas caerán?
Imaxinádevos que un ministro de zapateiro propón contruir o mallor e mellor centro tecnolóxico de investigación de europa e que o van fazer nas salinas de Cádiz, e que rematando o complexo científico comeza a afundirse no fango e se vai todo ó caralho...
Pois este escándalo non sería nin a cuarta parte de si o CERN nunca chega a funcionar... por iso penso que hai tantos intereses e cartos invertidos que si que vai a funcionar, ainda que teñan que borrar a máis de un do mapa.
Manda cararalho! Mi ma!
Os estudos sobre impacto ambiental, radiaçom etc estám todos feitos. E asegúro-vos que som mui mui estritos: recebes muita menos radiaçom que por exemplo fazendo um vóo em aviom Santiago-Madrid...
O que passa é que o sistema judicial americano é a óstia. Os juizes tenhem muito máis poder que no nosso, baseado no antigo dos romanos.
Aqui, o de ponher demandas por paridas está de moda. E nom me extranha: ás vezes sacam umhas talhadas que che deixam frio. A última foi a dum friki que denunciou a umha cadea de lavanderias por perder-lhe os pantalóns, e pedia 65 milhons de dolares em indemnizaçom!!!!
Ou aquela outra que obligou a ponher nas instruçoes das motoserras "Nom tente parar a cadea com os seus genitais", ou aquela sobre microondas: "nom seque o seu gato no microondas".
Em fim, assi é este pais. O das demandas é umha conha. E estes dous indivíduos, Wagner e Sancho, som uns frikis (ou aproveitados!) e máis que seguro que vam sacar algo em limpo, ainda que só seja fama.
Pero o medo no corpo a algum seguro que lho meterom. E a ver que di o Juiz, e se nom lhe tremem os guevos pensando que uns tolos que fam experimentos com ghaseosa podem acabar com todo o universo...o apocalipse...hehe....
Mamasita! Espero que o do buraco negro ese sexa bastante improvable! Por outra banda Chini se te plantexas
dar clases de fisica nese ton tan humorístico, non creo que che falten alumnos. O dos xuizos en EEUU son de coña...
El fin de siglo trae la sien
cebada de pudredumbre,
como invitándome a una lumbre
que prenderá quien ame bien.
Bendito el tiempo que me dio
una canción sin permiso.
Bendito sea el paraíso
algo infernal que me parió.
El día del Armagedón
no quiero estar tras la puerta,
sino soñando bien alerta,
donde esté a salvo de perdón.
Silvio
Por certo ¿Ti crees que un xuiz ten a suficiente capacidade para xulgar este tipo de casos sen uns potentes coñecementos cientificos de como funciona todo iso, ou tamén hai xuices científicos, como militares, civís...etc? (non teño moita idea disto)E que non me imaxino ao avogado ou ó fiscal presentando a "teoría das cordas" como proba, ou falando de buracos negros evaporandose, a min entraríame un mareo...
Entrevista a Luis Sancho. Ver aqui .
Qué elemento, meu deus. Lembra-me a Oscar Jesús, de Raticulin (no programa "Al Ataque"). Até Rappel é máis crível. Em fim, a ver que passa no juiço.
Post a Comment