Superpoderes Papais

Ola a tod@s...
Na minha viagem a Los Angeles (de Califórnia, nom de Brión) tomei um dia de descanso, como Deus. Decidimos visitar a Santa-Fraga, ou Hollywood para os que nom gostam de adultérios coa língua. Nada que resaltar, nada fóra do que se espera de tal lugar (já colarei algumha fotinho quando mas passem, e eu lhe devolva o gato-vaca). Depois visitamos Beberly Hills, com o seu 90210 e a "Sensaçom de estar forrado até as orelhas", "Pretty Woman" e outras lérias.. A última parada fixemo-la na entrada dum parque temático de Universal Pictures que estava fechado, pero havia tendas parideiras de cachibaches vários. E claro, eu entrei.

Entre toda a parafernária isto foi o máis destacável: umha foto do Papa fazendo alarde dos seus sobrehumanos poderes.


Graças a estes seus superpoderes deveu acojonar a toda a cúria romana e ameazar com cantar aos 4 ventos a origem dos misteriosos ruidos saidos das cámaras cardenalícias. Como quando tua tia che colhia pola fazula e a batia com força contra a parede molar... esses ruidos, vamos.

Mistérios cósmicos, porque nom sei se foi casualidade o do post de Oscar, emulando a técnica de raios X papais, advertindo-nos aos impios pecadores.

E tamém me lembrei do papa actual, o Papa Raztinger, que tem outras habilidades nom menos curiosas. O tipo é um transformista que gosta de misturar-se coas clases populares europeias para assi entender a raiz mesma dos pecados mundanos. Velaqui vos deixo umha foto da sua última visita a Galiza, travestido de "Senhora Carminha" e apanhando umhas uvas na Ribeira Sacra.


Que cousas...

O´Chini, dende Chicago de Noche.