ODISEA DE RODAXE DA CURTA

Ola tolos e tolas! Hoxe foi o primeiro día de rodaxe da miña curta! Tou super emocionada! Está indo xenial. Temos tomado o meu pisiño de estudantes, onde atrezamos estética anos 70, empapelando con papel pintado o salón até! O actor Carlos Álvarez Novoa (Goya revelación por "Solas", de Benito Zambrano) é unha grande inspiración pra mín. Estou aprendendo mil cousas del, é unha eminencia interpretativa e cultural! Cada ensaio, charla, comida con el é coma un regalo e unha grande escola. É bonito ter un proxecto propio, ir planificando e expoñendo os diferentes equipos de rodaxe(fotografía, arte...) o que queres conseguir! Pero o que máis me apaixona é a dirección de actores! Disfruto nos ensaios e no set. Realmente é cando a historia toma forma, cando as personaxes comezan a ter vida propia. Cando ves polo monitor o actor frente a cámara, no set, co atrezzo e iluminación buscadas e das o grito de acción trala claqueta que pon o teu nome, realmente hai maxia! Síntome máis realizada que nunca na miña vida! Síntome creadora! E teño o mellor co-director do mundo, amigo co que me complemento de puta madre.
En fin, compañeiros do metal, quería compartir con todos vós esta grande experiencia que está a ser unha das máis intensas e gratificantes da miña vida.