Crónicas debuxísticas

Levo duas semanas un pouco raiada co traballo que estou facendo de ilustración. Fai case dous meses fixen uns contos para un proxecto educativo de Santillana (Madrid) e agora estamos facendo as adaptacións para Galicia. Nas adaptacións non se pode facer unha traducción literal do castelán ao galego, e claro, donde antes había unha "paloma" agora hai unha "pola", pois a traducción literal "pomba" con esa combimación de fonemas "mb", todavía non a están dando os cativos que empezan a ler. E ala a cambiar tódalas "palomas" do conto por ghaliñas. E se o criterio da adaptación é que cada becho que aparece empece por cada unha das vogais, pois ala, a cambiar "Erizos" por "esquíos", "urracas" por "unicornios"....etc e seguindo outros criterios pois tamen cambiei leóns por monos, cans por ratos, e monos por parrulos, menudo lío zoolóxico!!! Estou farta!!! Todo isto o fago a man e teño que volver a facer todas as ilustracións enteiras de novo, só por cambiar un becho por outro, e non sabedes o que aburre e o repetitivo que é. Así que bendito photshop, este ano aprendo a fozar nel!!

Por outra banda empecei a ir a clases de debuxo e estou aprendendo a facer garabatos! Sí! garabatos! estou aprendendo a debuxar dunha forma superliberadora, na que deixas o teu lado esquerdo do cerebro (o analítico, o crítico, o que moitas veces che fai facer cagadas porque non se esta calado) para usar o dereito, máis visuoespacial. Aínda que pareza obvio estou aprendendo a debuxar a traves da mirada, dos ollos ao papel, sen mediar nengun proceso analítico (normalmente os debuxos os fago de memoria, sen modelos, sen usar a vista para nada). É unha forma de debuxar moi fluida e sen preocuparte polo resultado. A profesora cun proxector, ponos imaxes que duran apenas uns segundos ou minutos co único obxetivo de captar o xesto, o movemento desa figura. Os debuxos que vedes por aquí colgados estan feitos a tinta e captados en poucos segundos dun video do National Geographic.

E por último levo tanto tempo facendo debuxos superinfantís, que case teño olvidada como se fan debuxos máis realistas, e claro mirade o que me saiu o outro día!!! Menudo chorbo (non está perfecto), pero a máis de algún poralle os pelos de punta! A min encántame. Non sei se eras ti Chini que me dicías medio en coña por que non facía cómic porno que daba moita pasta. Non sei se che gustaría ver os resultados, son moi retorcida coas fantasías eróticas, non sei qué público tería porque masculino (hetero), non, polo menos. Pois isto é todo por hoxe, unha aperta! ( E perdoade pola narración un pouco atropelada andaba con presa...)