CADAVER EXQUISITO XIV

Olaf Keergaard espertou a isso das 6:30 da manhá, com o primeiros raios do dia. O seu relógio biológico era infalivel. Apartou as cortinas da janela, e puido ver o sol erguendo-se perto da silueta do Empire State, ao leste. O primeiro que fixo foi encender o seu computador e preparar-se um café. As 8:00 deveria estar puntual nas oficinas da Associaçom Americo-Escandinava. Esta era nom máis que umha iniciativa que nascera hai quase um século para promocionar a heréncia cultural da emigraçom nas Américas. Charlas, colóquios, intercambios culturais, museus. Mais isto só era umha parte do seu trabalho, claro. A parte conhecida, e sem embargo, a menos importante.

Quando o computador terminou o proceso de acendido, lançou o programa para ler os correios electrónicos. Mentres apurava um outro sorbo de café, observou a lista de asuntos do seu correio: Exposiçom no Natural Museum de Nova York, charla no Museu de História Europeia.... Qué tortura ter que guardar siléncio, pensava. Desde que se popularizara o feito de que os Vikingos chegaram a América ala polo ano 1000 D.C. a L'Anse aux Meadows, Newfoundland, na actual Canadá houvera um resurgimento do sentir nórdico por todo o continente. Até a ultradereita americana atopara por fim a excusa perfeita para reclamar como própria, por dereito, esas terras. Aquelas culturas indigenas que atoparam á sua chegada, eram atrasadas, viviam na idade de pedra. Eles já havia tempo que dominavam os metais, e os seus descubrimentos dientíficos estavam em plena expanssom. Os indios, pola contra eram febles, baixos e sujos, e nem sequera aturavam bem a cerveja, o alcool em geral, pensava... Fóra facil de mante-los á raia. Os domínios Vikingos chegavam até Nova Inglaterra alá polo ano 1100 e pouco a pouco íam expandido-se hacia o sul.

As colónias que deixaram na Groenlandia -a mítica terra verde que Erik o Vermelho baptizara século e medio atrás para atraer colonos - estavam em plena eferfescéncia económica. O clima fixera que os gelos árticos se retraesem, deixando inesperados restos ao descuberto. Fóra no 1224, contas as crónicas, quando atoparam umha cidade perdida: altas columnas de mármore, edificios de máis de 10 andares, algo incrível para aqueles homes do norte. Nas pedras havia gravados em extranhos signos, nada a ver coas suas velhas runas, nada a ver co novo alfabeto cristián. Acharam novos metáis, novos materiais flexiveis, transparentes. Máquinas extranhas imposiveis de adivinhar para qué, por que, ou de quem... Fóra entom quando o rei de Noruega mandara reunir aos sábios do reino em conselho. Mandou emisários em estricto segredo ao sul e ao leste a traer os melhores astrónomos, astrólogos, alquimistas, engenheiros e arquitectos do mundo conhecido. O veredicto nom fóra unánime sobre cuais eram os potenciais ou os usos daqueles descubrimentos, se é que tinham algum em concreto. Mais aquela civilizaçom perdida nom podia ser outra que o que Platom, fai séculos describira: os miticos Atlantes.




No século XIII as temperaturas baixaram o suficiente como para fazer práticamente inaccesiveis aquelas chairas no interior da Groenlándia nas que jaciam tam fenomenais cidades. O próprios reis de Noruega mandaram esconder nas florecientes colónias do Oeste, lonje da convulsom que azoutavam ás velhas terras europeas , o que deram em chamar o Yggdrassil, a árbore do universo. Fora cobizado até por persas e árabes. Os seus reis,primeiro polas boas, ofereceram riquezas incalculaveis aos nórdicos a cambio do Yggdrassil. Logo polas malas, enviaram mercenarios á própria Groenlándia. Mais já era demasiado tarde.

A cidade na que hoje vivia Olaf, -Nova York- nom fóra máis que outra pequena vila no caminho hacia Florida, as antilhas maiores, Yucatán, o Pacífico.... O seu malogrado império europeu, talvez tivesse umha oportunidade em Newfoundland, hoje América. Pouco a pouco, as élites mais cultivadas iam acumulando conhecemento sobre o funcionamento do Yggdrassill, no que passaria a ser a sua principal metrópoli ala polo 1450, numha ilha na desembocadura do Rio Hudson, hoje Manhattam. Máis todo mudou coa chegada do maldito Cristovo Colom, ao que eles chamavam o O ladrom de Jackobsland.


Absorto nos seus próprios pensamentos, nom reparara num correio cujo asunto estava marcado como urgente: Neva em Oslo. Autor: Hans Lanksen, Interpol. Abriu-no de inmediato. Um sistema de encriptaçom pediu um contrasinal. Tras introcuci-lo, puido ler o seu contido:

Estimado Gram Senhor dos Berserk: Interceptada comunicaçom do profesor A. Bramil provavelmente em relaçom a Yggdrasill. Pede reunir-se em Londres com seu aluno de doutorando. Esperamos ordes para acçom inmediata.


O correio proseguia com todos os dados pessoais de Jacobe, Anselmo, pais, nais, amigos, ... Só um nome chamou a atençom de Olaf... Giana Madruga Viqueira.

- Madruga? - pensou Olaf.... Ele sabia de memória todas os rastros - falsos e algum irremediavelmente verdadeiro- que deixara o Porco de Jackobsland..., e este apelido, era um deles.

Eram as 7:30. Apagou o computador, e saiu da casa.