O Novo Cadáver

Andava eu medio triste porque morrera o cadáver... Essa nossa história ecléptica, tam dinámica e aberta que morreu de inaniçom. Realmente estivo bem mentres durou.. Esa sensaçom de contribuir e ao mesmo tempo quase viver e formar parte da história era umha sensaçom brutal!!

Bom, analisando analisando, penso que comprendim qual fora a sua doença. A medida que avançava ia ganhando em detalhes de importáncia suprema, por veces se volvia mais incoherente, e com mais e mais cabos soltos que levavam a ningures. O que escrevia a continuaçom apenas absorvia a metade das pistas que o outro lhe deixara, e polo tanto nom as explotava, creando a sua vez novas linhas que morriam nese mesmo post....

Por isso decidim botar mão do cemitério e criar um novo Frankenstein, pero esta vez mudando a única regra que havia.

Pois bem: agora estará permitido compartir informaçom, levantar as cartas e amosar aos outros que nos rondava na cabeça quando escrevimos o que escrevimos. Podemos dar sugestons aos seguintes, que nom som para nada de obrigado cumprimento. A ideia e fazer isto nos comentários e deixar livre o post para o contido per se da história. Discutiremos ali, faremos preguntas, se for necesário. Aclararemos detalhes.

Assi ganharemos fluidez e coheréncia, e saberemos por onde vam os tiros. Penso que o proceso creativo nom sofrirá em absoluto, mais bem ao contrário. Espero que gostedes da história e lhe deades umha oportunidade.

Bom, sem mais. O novo cadaver levara o marcador "cadaver exquisito II", por se isto se converte numha colecçom de cadáveres...

Capitulo I á vista, no seguinte post.