O Concursazo (III ediçom)

Co permiso de Poldix, e já que nom di nada últimamente, usurpo o bom nome d'O Concursazo e lanço um reto em forma de pregunta.

Em que língua está este texto?
O ganhador levará umha viagem com todos os gastos pagados alá aonde seja falada esta cousa...

Ai vai:

Atheismo

Le termino atheismo es formate per le prefixo grec a- ("sin" o "non") e theismo, termino derivate del greco que significa le credentia in un deo o deos. Le significato litteral del termino es, per consequente, sin credentia in un deo o deos, lo que face de qualcunque persona qui non crede in le existentia de un deo o deos un atheo — includente e illes qui affirma que deos non existe e illes qui, pro qualcunque ration, non face qualcunque affirmation a proposito del existentia de deos. In le uso moderne, reflectite in le majoritate del dictionarios, atheismo es le assertion que deos non existe, o que le existentia de deos ha un probabilitate infinitesimal. Le atheismo non es synonymo de irreligion; le idea de un universo eterne non create es un importante concepto in alcun religiones e como tal il es possibile esser multo religiose e multo athee.

Le termino agnosticismo (cuneate per T. H. Huxley in 1869) describe un forma de scepticismo philosophic in le qual le existentia de deos es considerate inverificabile o in le qual le investigation de tal existentia es considerate improductive.

Alcun autores, specialmente in Internet, usa le termino "atheismo forte" (o "explicite") pro le negation del existentia de deos, e "atheismo debile" (o "implicite", o "blande") pro le mer manco de credentia, sin le negation active de deos. In le tradition del pensamento libere, le terminos analoge es atheismo "positive" e "negative". In iste schema, le agnosticismo representa un rationamento pro le atheismo debile. Totevia, necun de iste terminos es in uso commun.

Le Encyclopædia Britannica estima que circa 2,5% del population mundial se considera athee. Le personas ha un tendentia plus considerabile, circa 12,8%, a considerar se "irreligiose". Le atheismo es aliquanto plus prevalente in Europa e Russia que in le Statos Unite e paises in disveloppamento. Per exemplo, secundo un inquesta de 2003, 33% del adultos francese dice que "athee" define lor position quanto a religion satis o multo ben.