Sentenças: nova secçom

Umha sentença, (ou senténcia, tanto tem), contem inmesuravel sabiduria. Que ninguem confunda coa sentença jucidial. Segundo o diccionário e-Estraviz:

Sentença
s. f.
(1) Máxima, frase curta que encerra um sentido geral, um pensamento ou verdade moral.
(2) Provérbio, refrám.
(3) Julgamento emitido por um juiz, árbitro ou tribunal. Veredicto.
(4) Qualquer decisom, em geral.
(5) Palavra ou frase que exprime uma decisom inabalável.
(6) fig. Acordo, ditame, opiniom.
(7) Julgamento divino.


Pois isso, a acepçons 1, 2 e a 5 som-nos aos galegos de especial interesse...nom paramos de dar sentenças a esgalha.... Hai-nas sábias, hai-nas cachondas, hai-nas retranqueiras, hai-nas novas e sobre todo populares.

Hai umhas semanas escoitara, da boca dum galego retranqueiro, que apanhou um bom negócio indo ao seguro:
"Mais vale comer um ovo que pasar sem dous". Eu escachei ás risas. A versom castelhana é aquela de mais vale paxaro em mam que cento voando...pero nom tem nem a metade de graça...

Outra bem conheira é aquela de "Está morrendo gente que nunca morrera". Esta tem muita muita conha.... Ainda que sendo bem pensado quereria dizer que "está morrendo um tipo de gente que antes nom morria"... eu que sei, jovens, gente sã... mas a implementaçom final é brutal.

E que hai desta?: "O que engorda é a gente, nom as patacas". Summum da retranca.

Pois isso. Fica inaugurada. Sei que a algum lhe pisei algumha das sentenças, de feito eu escoitei-nas por el, perdoa o afam asobalhador, pero espero que haja moitas mais, e iram aparecendo...sempre aparecem no dia a dia. Eu guardo algumhas na recámara, para quando vaiades engadindo vós as vossas.