Nana para un amante

A semana pasada estiveron visitando Babilón, convidados pola miña escuela dous músicos e etnógrafos galegos dos que algo tiña eu oído falar... logo de ficar varios días por preto deles, como dirían en Muros... flipín; por eles, humildes e xenerosos -e artistazas, e comunicadores- descubro todo un tempo de música e cultura que practicamente descoñecía, e do que apenas algo sentira nos tempos composteláns. Así, na babilón lusófona, véxome transportado aos 60's, aos 70's, aos 80's galegos. Fermosas -moito- e pouco -aínda menos- publicitadas adaptacións de autores galegos, recopilacións de música tradicional... todo un caudal artístico que fica no ostracismo no país -fóra dos círculos máis letrados- dado o compromiso político ao que M e M non renuncian, que os aparta dos mass-media, e dados os tempos de mesmidade globalizada que nos coteñan. Agora tamén xa son seu fans. E acórdanme -outra vez- os versos del-outro, aqueles, os de sempre...

Galicia, será a miña xeración quen te salve?

Irei un día do Courel a Compostela por terras libradas?
Non a forza do noso amor non pode ser inutle.

E pensar niso en 2010. Logo da autonomía, os anos de fraguismo, o bipartito, os agoreiros de agora... Os gregos dicían que o amor residía no fígado, e non no corazón. Fígado e amor, zonavelhistas!

Vai unha gravación dos tempos históricos, para non esquecermos as cousas boas. Ao fío do post anterior, somnífero. Seica é un tema que se restrinxe aos límites da Galiza e N. de Portugal, coma tantas outras cousas. Imaxinádesvos comprándoo en cassette no ano 81, e póndoo na radio dun coche? E as verbas esfelgando o coche todo.

http://www.youtube.com/watch?v=vbdEyU4dwYU