Ál(o)go

E despois de tres anos e pico de visitar asiduamente e -mal que ben- publicar algunha cousa no blog, tivo que confesar que non: non sabía aínda cómo se facía para que o vídeo aparecese directamente no corpo do artigo, e conformouse con poñelo cun enlace.

-Pero non tentaches co segundo símbolo de esquerda a dereita que aparece na barra de símbolos?

-O que ten coma un fotograma debuxado?

-Si, ese.

-Pois si, tentei, pero non dá cargado o raio do vídeo..... eu creo que o estou facendo mal.

-Talvez, ti...

A noite de Xirargha estendíase coma un manto escuro e as luces das farolas semellaban soles no ocaso, soles que se multiplicaban mornos e laranxas polos cristais das portas-vidreiras e parecían observar a pantalla branca e azul do seu lap-top. A dúbida do posteador perdeuse nos outeiros de Xesta Vella coma o ouveo do lobo.

-E de que era o enlace ese?

-Nada... pois dun grupo arxentino que me acordaba do tempo d'A Feira das Mentiras, o Afrequeté ou quizais a primeira vez que entrei nos bares da Zona Velha.

-Saudoso, eh!

-Boh, o caso é que me parece que ten moita coña os Cadillacs nesta peza...

-Xa... e para eso precisabas facer un diálogo para ollomoles coma este.

-Di álogo!

-Álogo!

-Non, non. É que quería dicir outra cousa... que o outro día vin unha pintada que me gustou moito, e creo que era tamén nas rúas de Arxentina (xa sabes, a ubicuidade da Rede)

-Et qu'est-ce qu'elle disait?

-What?

-Que dicía?

-DICÍA:

LiberQUÉ?

IgualiCÓMO?

FraterniCUÁNDO?