Camiom de bombeiros submergivel

Bombeiros en Melbourne, Austrália, conducem atraves dum caminho inundado, com água quase tam alta como o camióm. Manda narices!!

Crónica de umha desgraça.

Estou agora no parque, acabamos de chegar de umha intervençom. O 112 chamou-nos por um desses avisos dos que te deixam frio. Informam-nos do envorcamento dum tractor com um atrapado, na paróquia de Lougares no concelho de Mondariz. Equipamo-nos e saimos tam rápido como podemos, em menos de dous minutos estamos em caminho. Antes de arrancar consultamos o mapa, Lougares umha das paróquias mais alonxadas do parque, com uns muito complexos accesos. Fai umha calor abafante, hoje tam só somos tres e eu estou no posto de bombeiro 1, à vangarda do trabalho. Vou só no camiom, pola emisora o cabo informa-me que se confirma o atrapamento, um home maior está baixo o tractor, vam em caminho a ambulância mais o helicóptero do 061 com base em Ourense. O caminho fai-se interminável, eu vou na BNP (Bomba Nodriza Pessada), nom lhe dou seguido o ritmo à BUL (Bomba Urbana Ligeira), fago que tenham que aguardar por mim. Continua a chegar-me informaçom pola emissora mentras tento ordear o protocolo de actuaçom na minha cabeça: colher os coxíns pneumáticos, colher botelha de ar, colher maneral... nom te esqueças de por as luvas de latex pòr baixo das de intervençom. Nom da-mos à primeira com o lugar do sinistro, levamos já mais de meia hora de caminho, com as sirenas sem deixar de soar, abrindo passo entre a gente. Chegamos ao lugar, umha morea de gente se arremuinha por um caminho que baixa desde a estrada. Saio do camiom correndo, comprovo que vou bem equipado. Parte de aquela gente, chora, berra, ergue os braços ao ceu, algúns miram para nós, umha rapariga, com os olhos esbagulhados achega-se-nos berrando: "Para que vides agora!! Para que!!!" Bota as mans à cara mentras outro rapaz tenta consola-la. Miro para o meu cabo, tem olhos cheos de bágoas, miro para o meu outro companheiro, está calado, miro para o corpo do home já fóra dos ferros. Umha saba enrugada insinuava a presença da morte. Morrera, morrera case no acto. Os vezinhos com a Guarda Civil, conseguiram saca-lo, mas para nada. Nos mentras polo caminho. Mui longe de aquel lugar de Lougares, concelho de Mondariz, a mais de meia hora de poder salvar-lhe a vida a aquel home.

Video campanha contra accidentes de tráfico.

Uma das maiores empresas de marketing do mundo, resolveu passar uma mensagem para todos, através de um vídeo criado pela TAC (Transport Accident Commission) e que teve um efeito drastico no Reino Unido.

Depois desta mensagem, 40% da população de Inglaterra, deixaram de usar drogas e se alcoolizar pelo menos nas datas comemorativas

Bombeiros da Galiza polo mundo adiante.

Aqui tedes a mostra da trascendência das nossas reclamaçons. Por todo o mundo as nossas imagéns de reivindicaçom. Este é o caminho que tomamos nom por outro motivo que a falta de alternativa. A classe política deste país já nom tem crédito para nós, nom nos querem escoitar e fam oidos xordos ao que é justo e básico para ter um Serviço Galego de Emergências Público e de Qualidade. Primam os seus obscuros interesses por riba das nossas vidas como trabalhadores e das vidas dos cidadáns como possíveis vítimas. A minha noraboa a todos os companheiros por um dia tam glorioso e que nom havemos esquezer durante toda a nossa vida. Aqui o tedes, todo o mundo se fixo eco do nossa clamorosa reinvidicaçom, e nom busquei mais porque já me fartara. Nos que puidem entender, derom a nova com muito mais rigor que em qualquera informativo de todo o estado espanhol ou por suposto que na vergonhenta telegaita.

ADIANTE!!!!!!!!!!!!

http://www.youtube.com/watch?v=NjXJRC-4GyM Itália.

http://www.youtube.com/watch?v=Std7JgRJw8g Rússia.

http://tv1.rtp.pt/noticias/?headline=20&visual=9&tm=&t=Bombeiros-e-paramedicos-espanhois-colidem-com-a-policia.rtp&article=314891 Portugal.

http://www.youtube.com/watch?v=4vTopvdDgvk Alemanha.

http://www.ftd.de/lifestyle/:vermischtes-polizei-gegen-feuerwehr/50067588.html Alemanha.

http://news.sky.com/skynews/Home/video/Spanish-Firefighters-Clash-With-Police-During-Anti-Privatisation-Protest/Video/201001415538710?lid=VIDEO_2177931_Spanish Grande Bretanha.

http://www.rai.tv/dl/RaiTV/programmi/media/ContentItem-6e35b72f-0810-4984-95c0-533d1882166b.html?p=0 Itália.

BOMBEIROS VS POLIS.

Mirade nesta web, melhores imagens e melhor tratamento da noticia. A ver se me topades polo medio. Isto nom é mais que o começo. NOM À PRIVATIZAÇOM DO SERVIÇO GALEGO DE URGÊNCIAS!!!!!!!!!!!!!!!!!!


http://www.antena3noticias.com/PortalA3N/sociedad/Policias-bomberos-acaban-golpes-durante-una-manifestacion/9819574

Começa a luita!!!! Lume!!!!!!!!!!!!!!

Olhade que tratamento mais professional da telegaita sobre a mobilizaçom. Enterastes-vos do motivo da manifestaçom e das nossas reinvidicaçóns? Vergonhento!!!!!!!!!!!

Concurso fotográfico emergências 2009.

Este ano vou ver se me dá tempo enviar umhas fotos ao concurso de fotografia de emergências. Gostaria de que me votárades estas fotos do 1 ao 4, sendo 4 a mais alta puntuaçom. Já sei que a calidade da foto nom é mui boa, pero tende em conta que forom feitas com umha câmara do mais cutre e em plena intervençom. Se se vos ocorrem títulos para cada umha de-las tamém serám bemvindos. Saude!

Video Bombeiros...

Ao pe do video aparecen uns iconos e neste ultimo icono: flecha mais WWW, aparece o codigo para copiar e pegar na túa web...De todas formas o video carga como o carallo polo menos dende a miña conexión...

O companheiro Araúxo

A nova na que sae está no minuto 22, ide ata ese minuto e dádelle a "play". Se intentades ir pasando pouco a pouco ás veces pérdese a imaxe pero non o son.... E aínda así depende da vossa conexión....Talan, Talan, Talan Dusebayev!!!

COMO OS ANTIGOS BOMBEIROS

Em conmemoraçom dos nossos precursores bombeirís aqui vos deixo esta foto. Aguardo que os comentarios nom saiam muito de tom. hehehe!!!

Nota de prensa dos Bombeiros de Ponte Vedra, começa a luita!

BOMBEIROS COMARCAIS DA PROVINCIA DE PONTEVEDRA

Tras reunirnos co presidente da Deputación de Pontevedra, Rafael Louzán, o pasado día 6 de febreiro, e logo de presentar as reivindicacións dos bombeiros para a creación dun Consorcio Provincial contra Incendios e de Salvamento de xestión pública (directa), a resposta foi negativa por parte da administración, reafirmandose na xestión privada (indirecta) xa existente.

Ante dita postura sobre a xestión do Consorcio Provincial, os bombeiros manifestámonos totalmente en contra, dado que a forma de xestión actual é absolutamente contraproducente para dar un servizo de calidade a poboación. Podemos argumentar este feito cun estudo que os bombeiros elaboramos durante estes cen días de novo goberno, e que lle presentamos na pasada reunión ao Director Xeral de Protección Civil da Xunta de Galiza. Tamén queremos salientar que este tipo de xestión a través de empresas privadas, que defende a Xunta e a Deputación, é único en todo o territorio español. Só o parque de Silleda conta con xestión directa da administración, pero en palabras de Louzán foi un "erro que cometeron no seu día". Ante isto, nós discrepamos, xa que, segundo eles (a administración) este parque é o que conta con mellores dotacións, materiais, número de traballadores e mellores condicións laborais en xeral.

A día de hoxe estase dando unha cobertura aproximada do 60% da poboación provincial (uns 330.000 habitantes), con 84 bombeiros e non 100 como afirman desde a Deputación. Tamén lembrar, que o novo concurso para a concesión do Consorcio provincial non será nos vindeiros meses, xa que tanto Xunta coma Deputación pretenden agardar a que remate a concesión do parque do Porriño en agosto do 2010. Feito que ocorrerá logo de expirar o prazo que se fixou na Lei de Emerxencias do 2007.

Polo tanto, nós, os bombeiros, reclamamos a constitución dun Consorcio Provincial Contraincendios e Salvamento público da Provincia de Pontevedra;

o Para que exista unha cobertura do servizo de extinción de incendios e salvamento no 100% da provincia.

o Para que se poidan mellorar e incrementar os medios humanos e materiais do servizo.

o Para homoxeneizar en todos os ámbitos o servizo que se presta na Provincia.

Por todo isto, os bombeiros non aceptamos de ningunha maneira a xestión privada, polo que nos concentraremos diante da Deputación de Pontevedra ás 10 da mañá este venres 31 de xullo. Comezamos asi un calendario de mobilizacións que levaremos a cabo até que as administracións competentes entendan que o mellor sistema de xestión para os parques de bombeiros é o directo (público).

Rescate no Limia.

Olá a todos e todas!! Ando de novo por aqui. Estivem algo perdido. Em fim aqui vos deixo umhas fotos bem chulas que nos tirarom num curso de salvamento em rios e riados que fixemos em Lobios, cousa bonita! A ver que vos parecem.

Incêndio no Porrinho.

Já havia tempo que nom vos ilustrava com algumha das minhas anecdotas bomberís. Outro petate de tres pares de colhons. Desta vez a nom mais de 500 metros do mesmo parque. Às quatro da madrugada chaman-nos directamente ao timbre da entrada e...venha a guerrear! Menudo becho!! Eramos tres de guarda, "o monstro" - como di um dos nossos mandos - saia polo teito a mais de sete metros de altura. Mama!! A ver quem lhe botava a mam! Houbemos de mobilizar a reforços nossos, aos bombeiros de Vigo, do Morraço, do Salnés, de Valença, de Ponte Areias; aos GRUMIR de Nigrám e de Salceda de Caselas, várias Agrupaçons de Protecçom Civil. Pois desde as quatro até as duas da tarde do dia seguinte. Ainda hoje me doe o lombo. hehehe!!! Desta nom houbo fotógrafo que te cagas, pero andava eu por ali. Som já do final, quando o controlamos. A ver que vos parece.

Aqui vos envio a nova recolhida em "La Voz".

Un incendio nunha nave de reciclaxe do Porriño mobiliza a bombeiros de cinco parques.

As chamas calcinaron completamente o interior do edificio onde se acumalaban toneladas de residuos. Orixinouse sobre as catro e tardouse tres horas en controlalo.

Un incendio destruíu de madrugada por completo o interior dunha nave de reciclaxe de residuos no Porriño. Foi tal a forza e virulencia das chamas, que se expandiron con facilidade a través dos residuos plásticos acumulados, que foi necesario que ademais dos bombeiros da localidade pontevedresa acudisen os doutros tres parques da provincia e un camión desde o norte de Portugal.

A fácil expansión das chamas grazas ás 120 toneladas de residuos que se acumulaban no interior da nave de Xesnatura, do Grupo González Couceiro, obrigaron a mobilizar a efectivos dos parques de bombeiros do Porriño, Vigo, O Morrazo, Ponteareas e Valença que permaneceron traballando máis de tres horas para apagar as chamas.

Os primeiros en chegar foron os bombeiros do Porriño que sobre as cinco da madrugada solicitaron a asistencia de seis bombas #ama de cría\\\ para poder apagar o incendio e estableceron un perímetro ao redor da nave, para que as chamas non saltasen a outras naves. O lume calcinou todo o interior da nave, incluída a maquinaria, e afectou en parte á estrutura do edificio.

Pouco logo das sete da mañá conseguiuse controlar o incendio e aínda que nestes momentos está extinguido permanecen efectivos de bombeiros controlando a zona e refrigerando os cascallos para evitar que se aviven as chamas.

A nave de Xesnatura, situada no polígono das Gándaras, levaba apenas dous anos en funcionamento e dedicándose á reciclaxe de residuos. Agora terá que afrontar os cuantiosos danos materiais que xa se calculan en perdidas millonarias. Segundo apunta axénciaa Efe, en canto ao auga mesturada cos restos do incendio determinouse a inexistencia de perigo por contaminación, pois esas augas están canalizadas cara á depuradora da propia empresa, polo que non hai risco para ningún acuífero de abastecemento á poboación, engadiron as mesmas fontes.

O MAIOR INCÊNDIO EM VIGO DESDE HAI 20 ANOS

Pois a ver que vos parecem estas fotos, tirou-no-las um fotógrafo professional hai uns dias num incêndio que tiverom em Vigo e ao que fumos botar umha mam. Menudo petate, nom vos imaginades como foi aquilo. Os bombeiros de Vigo levavam a trabalhar desde as tres da madrugada, logo chamarom por nós a isso das seis, estivemos trabalhando até as duas da tarde aproximadamente. O indêndio declarou-se no complexo industrial do Gorxal, pertinho do límite com Porrinho. Ardeu todo, almacêns de productos químicos, electrónica, colchóns, camións e um mui longo etc. O certo é que foi do mais gordo que tivemos até o de agora. Aquilo parecia umha batalha campal...nom estivo mal.

Cousas de bombeiros.

Espero que estas fotos nom vos desagradem muito. Sobre todo a segunda. Umha pequena mostra do que é o nosso trabalho. Na primeira eu estou tras a cámara, foi um bo golpe de um Mercedes contra um camiom, que fose um coche de gama alta foi o que lhe salvou a vida. Na segunda é evidente onde estou. Duro trabalho aquel dia, cozinhando e preparando a mesa. hehehe!!! O certo é que mesturar cousas assim poida parecer algo frívolo, pero nós temos que contemporaneiçar. No parque o humor negro está à orde do dia. Que vos prestem!

Desde o Parque de Bombeiros do Porrinho

Eu continuo com o tema bombeiril. Mirade que escudo mais pátrio temos. Merda, as de cores do lume, que lembram a bandeira dos borbóns, mais tamém a dos Països Cataláns. hehe!!!
Hoje escrevo-vos desde o parque. Tivemos o que se dí um dia completinho. Logo de jantar, um incêndio num alpendre, com gente toleando por todos lados e complicando-nos ainda mais a intervençom, ardeu de caralho cumha boa temperança. Polo serám, apenas duas horas após, um excarceramento dum rapaz que se empotrou contra umha árbore cum Suzuki Vitara, quedou bem atrapadinho de pernas e dum braço, como berrava!! Menos mal que chegarom cedo os sanitários e lhe meterom um bo chute. Suamos a pinga gorda para quita-lo daquel feixe de ferros, pero saiu.
Hei de suponher que a maioria de vos nom tivestes nunca a sorte de salvar a ninguém dumha morte case segura, pois digo-vos que é umha senssaçom única de benestar e satisfaçom. Fai que te sintas melhor persoa, fai-che em definitiva que te replantexes muitas cousas da vida, nas que nunca antes terias tam sequera reparado.
Companheir@s, este oficio que se me deu por escolher é-che umha cousa bem bonita. Hoje durmirei melhor, mas ainda resta toda a noite de guarda. Aguardemos que vaia todo bem e que nom ocorram mais desgraças, por hoje já chegou.

Dotaçom 4.

Isto do blogue parez que marcha!! A ver se como dí o companheiro Duarte nom dura o que a novidade. Este contributo vissual é para que vejades que nom minto... e que si, som bombeiro!! hehehe! Ai vai pois esta foto tirada o primeiro dia de trabalho com os uniformes de parque case ainda com as etiquetas. Som os meus companheiros de quenda (Dotaçom 4), umha panda de fenómenos mui boa gente. Ainda hai nada cheguei do choio, onte foi um dia tranquilo, apenas saimos para umha limpeça de calçada de nada. Onte tocou limpeça de camións pola manhá e pola tarde práctica de rescate em altura; após tenis de mesa, adestramento, duchinha, ceia e para a cama. Durmimos toda a noite coma benditos. Entóm? Como assim nom imos gostar de ser bombeiros? Agora aguardan-me tres dias, bem merecidos, de descanso para fazer o que me pete. Já o sei, dou noxo...pero que se lhe vai fazer. Ala! Despido-me até mais ler. Saudaçons para tod@as!!!